ఫిబ్రవరి 24, 2007

వెబ్ అనలటిక్స్ …

Posted in గూగుల్, google analytics, mybloglog, web analytics వద్ద 8:26 సా. ద్వారా Praveen Garlapati

ఇంటర్నెట్ అంటేనే అదో పెద్ద సముద్రం. మరి దాంట్లో చిన్న చిన్న చేపలయిన వెబ్ పేజీలు ఎలా మనగలుగుతాయి ???

మీకో వెబ్ సైట్ ఉందనుకోండి. దాని గురించి అందరికీ తెలియాలి. జనాలు మీ వెబ్ సైట్ కి రావాలి. అక్కడ ఉన్న సమాచారం చదవాలి. చదివిన తరువత మీకు లాభం కలిగించే (ఒక వేళ మీది commercial వెబ్ సైట్ అయితే గనక.) చోట్లకు వెళ్ళాలి.

మరి ఈ తతంగం అంతా ఎలా చెయ్యాలి ? ఇందులో విజయం ఎలా సాధించాలి అని study చేస్తే అదే web analytics అవుతుంది.

అన్నిటికంటే ముందు ముఖ్యమయినది సెర్చ్ ఇంజన్లు. మీ వెబ్ సైట్లకు traffic తెచ్చేందుకు తొడ్పడే వాటిలో అగ్రస్థానం వీటిదే.

ఎవరికయినా ఏమన్నా కావాలనుకోండి, మీరు మొదట వెళ్ళేది ఎక్కడికి ? సెర్చ్ ఇంజన్ దగ్గరకే కదా. అక్కడ ఎం చేస్తారు ? కీ వర్డ్స్ enter చేస్తారు. ఆ కీ వర్డ్స్ కి వచ్చిన ఫలితాలలో మీకు దగ్గరగా అనిపించిన దానిని ఎంపిక చేసుకుని ఆ వెబ్ పేజీ కి వెళ్ళిపోతారు. ఇదంతా జరిగేది నిముషాల మీదనే, కొన్ని సార్లు సెకండ్ల మీద కూడా.

మరి అలాటప్పుడు మీరు ఈ సెర్చ్ ఇంజన్లను మెప్పించడానికి ఎన్నో జాగ్రత్తలు పాటించాలి. ఒక్కో సెర్చ్ ఇంజనూ ఒక్కోలా పని చేస్తుంది కూడా. వీటిలో ముఖ్యమయినవి meta information, keywords, content, links. వీటి మీద దృష్టి పెట్టినంత మాత్రాన ఆటొమాటిగ్గా మీ వెబ్ సైట్ కి మంచి రాంక్ వచ్చి తీరుతుంది అన్న నమ్మకం లేదు. ఇవే కాక ఇంకెన్నో parameters ఉంటాయి వాటికి మరి. అలాగని మీరు సెర్చ్ ఇంజన్లను fool చెయ్యడానికి ప్రయత్నిస్తే మిమ్మల్ని అథోగతి తోసేస్తాయి కూడానూ. అంటే demote చేస్తాయి అన్నమాట. కొన్ని సార్లు ban కూడా చేస్తుంటాయి.

సెర్చ్ ఇంజన్ల గురించే ఒక పెద్ద రీసర్చ్ పేపర్ రాయచ్చు. జనాలు రాసారు కూడా.

కాబట్టి వెబ్ సైట్ web masters, designers మరియు system administrators దీని మీద ఎంతో శ్రద్ధ చూపుతారు.

సెర్చ్ ఇంజన్ల దయ వెబ్ సైట్ ల మీద పడేలా చూసుకుంటారు. optimize చేస్తారు, వారి వెబ్ సైట్ లకు referral links సంపాదిస్తారు (వీటి మీద వెబ్ సైట్ ల popularity ఆధార పడి ఉంటుంది మరి.), వాటికి తగ్గట్టుగా design చేస్తారు.

ఇది ఒక భాగం మాత్రమే. ఇక పోతే వెబ్ సైట్ administrators ఇంకొన్ని metrics సేకరిస్తారు. అవి ఏమిటి అంటే అసలు జనాల visits trend ఎలా ఉంది ? కాలం తో పాటూ పెరుగుతుందా, తగ్గుతుందా ? వారు దేని కొసం వెతుకుతున్నారు ? వారు దేని మీద click చేస్తున్నారు ? ఏ పేజీలు ఎక్కువగా చూస్తున్నారు ? మీరు ఒక కొత్త ప్రోడుక్ట్ రెలీజ్ చేసారనుకోండి. దానికి జనాల reaction ఎలా ఉంది ? మొదలయినవి అన్నమాట.

ఇంతకు ముందు దీని మీద concentration ఓ మాదిరిగా ఉండేది కానీ ఇప్పుడు అంతా ఇంటర్నెట్ మయం అయిపోయిన తరవాత కంపనీలు దీని మీద పెద్దగా invest చేస్తున్నారు.

పెద్ద పెద్ద జీతాలు ఇచ్చి కంపనీలు వీరిని మెయింటెయిన్ చేస్తారు. కానీ మనలాంటి వారికి ఇలాంటి tools ఉన్నాయా ?

ఉన్నాయి. ఉదాహరణకి మనలో చాలా మంది ఉపయొగించే web site stats ఉన్నయే (sitemeter, wordpress లో builtin counter మొదలయినవి) కూడా ఒకలాంటి tool ఏ. కాకపోతే ఇది మనకు ఇచ్చే సమాచారం కేవలం పేజీ statistics మాత్రమే, అంటే మీ వెబ్ పేజీ కో, బ్లాగు కో ఎంత మంది జనం వచ్చారో అన్నది మాత్రమే. అది కూడా Page impressions, visitor stats మాత్రమే. ఇది ఊరికే మనం సరదాకి పెట్టుకున్నది. కాకపోతే wordpress లో అలా కాక మనకు కొన్ని టూల్స్ కూడా మనకు అందుబాటులో ఉన్నాయి. (keep track of where visitors come from, trackback links etc.)

ఇప్పుడు వీటిలో రెండిటి గురించి చెబుతాను.

మొదటిది MyBlogLog. ఇది ఇప్పుడు Yahoo acquire చేసేసిందనుకోండి. ఇది బ్లాగులకోసం ఉద్దేశించినది. దీనిని ఉపయొగించడానికి ఆ వెబ్ సైట్ లో ఒక account సృష్టించి, మన వెబ్ సైట్ లో చిన్న code snippet పెడితే చాలు. ఇక అది మన బ్లాగులకు సంబంధించి ఎన్నో వివరాలు సేకరిస్తుంది. ఎలాంటివంటే మన బ్లాగుకి ఎక్కడ నుంచి visitors వస్తున్నారు (ఉదాహరణకి కూడలి, తేనెగూడు, తెలుగుబ్లాగర్స్ మొదలయిన aggregators లాంటివన్నమాట.), వారు ఏ links మీద click చేస్తున్నారు. ఏ పోస్టులు అంటే ఆసక్తిగా చదువుతున్నారు, ఏ టాగ్స్ అంటే ఇష్టం లాంటివి అన్నమాట. అదే కాక మన బ్లాగు నుంచి ఎక్కడ కి వెళుతున్నారు లాంటివన్నమాట (outgoing links). కాకపోతే ఉచితంగా ఇచ్చే సర్వీసులో వీటి మీద restrictions ఉన్నాయి . మొదటి పది రిజల్ట్స్ మాత్రమే మనకు చూపిస్తాయి వంటివి.

ఇక పోతే రెండవది మన దేవుడు గూగుల్ నుంచి అన్నమాట. దాని పేరు Google Analytics.

గూగుల్ web masters కి ఎంతో స్నెహితుడయిన ఒక సెర్చ్ ఇంజన్. ఇది వారికి ఎన్నో టూల్స్ ఇచ్చి సహాయపడుతుంది. అందులో ఇది ఒకటి. (Google Webmaster Central కూడా మంచి సమాచారం అందిస్తుంది.)

ఇక దీనిని వాడదలచుకుంటే ఇంక మరో టూల్ అవసరమే లేదు. అంత comprehensive అన్నమాట. ఇది వివిధ user profiles (Executive, marketer, web master) కి వివిధ రకాలయిన రిపోర్ట్స్ చూపిస్తుంది. దీని గురించి చెప్పాలంటే ఒక పెద్ద వ్యాసమే అవసరం. టూకీగా చెప్పాలంటే మీ content ని slice and dice చేసి అన్ని రకాల రిపోర్ట్స్ ను అందిస్తుంది. అదీ కాక మీ కంటెంట్ ని ఎలా optimize చెయ్యాలో కూడా అర్థం చేసుకోవచ్చు. మీరు adwords గనక ఉపయోగిస్తుంటే అవి ఎంత effective గా పని చేస్తున్నాయో కూడా ఓ కన్నేసి ఉంచవచ్చు.

ఇది ఎంత సమర్థవంతం అంటే మన వెబ్ సైట్ users వాడే బ్రౌజర్ వర్షన్లు, వారి screen resolutions, వారి screen colors, వారి Java, flash versions, వారి connection speed మొదలయినవి కూడా చెబుతుంది. ఇవన్నీ చాలా ముఖ్యం ఎందుకంటే ఉదాహరణకి మీ వెబ్ సైట్ కి వచ్చే వారిళో ఎక్కువ 800×600 screen resolution వాడుతున్నారనుకోండి, మీ వెబ్ సైట్ వారి కోసం design చెయ్యబడకపోతే మీకు నష్టమే కదా. అలాగే మీరు మీ వెబ్ సైట్ లో latest flash version ఉపయోగిస్తున్నారు. అది పాత versions తో compatible కాదు. అలాంటప్పుడు మరి మీ users కి అది చికాకే కదా. మీ వెబ్ సైట్ కి వచ్చే users ఎక్కువ dialup connection మీద పని చేస్తున్నారనుకోండి, మీ వెబ్ సైట్ jazzy graphics తోనూ పెద్ద పెద్ద images, flash తోనూ నిండి ఉందనుకోండి మరి వారు తిరిగి వచ్చే అవకాశమే లేదు.

ఇలాంటివన్నీ సరి చేసుకోవచ్చు అన్నమాట.

ఉదాహరణకి నా బ్లాగు కి వచ్చే వారిలో ఈ క్రింది విధంగా బ్రౌజర్ల వాడకం ఉంది.

ఇవన్నీ మనకు spy activities లాగా అనిపించచ్చు కానీ professional blogs కీ websites కీ ఇవి చాలా అవసరం. ఎందుకంటే జనాలని మన వెబ్ సైట్ ల మీద ఉండగలిగేలా చెయ్యలంటే ఎం చెయ్యాలో అనేది వారికి ఈ సమాచారం నుంచి లభిస్తుంది. వారి ad placings ఎక్కడ అయితే సమర్థవంతంగా డబ్బు తెచ్చి పెడుతున్నాయో కూడా తెలుసుకోవచ్చు. వారి సైట్లను, బ్లాగులను సమర్థవంతంగా తీర్చి దిద్దవచ్చు.

ఇన్ని చేసినా జనాలు మర్చిపోయేది content గురించి. విజిటర్స్ ని మీ వెబ్ సైట్ లకు రప్పించేది content అందుకని అది సరిగా లేకపోతే ఎన్ని చేసినా అది నిరుపయోగమే.

గమనికలు:

ఇది ఎంత చెప్పుకున్నా తరగని అంతు లేని కథ. నాకు ఇవంటే passion కాబట్టి తెలుసుకోవాలనే జిజ్ఞాస. ఇంత పెద్ద వ్యాసం రాసినందుకు క్షమించాలి. ఇంకా నాకు సంతృప్తిగా లేదు. మీకు తెలిసింది చెబితే నేనూ నేర్చుకుంటాను 🙂

ప్రతి సారీ సాధ్యమయినంత తెలుగులో రాయడానికి ప్రయత్నిస్తాను కానీ అక్కడక్కడా తప్పదు, కొన్ని నాకు వాటికి సరయిన పదాలు తెలుగు లో తెలీక, కొన్ని వాడటం ఇష్టం లేక.

ప్రకటనలు

4 వ్యాఖ్యలు »

  1. cbrao said,

    Useful info. Please also advise how to submit my website to serach engines.

  2. cbrao said,

    Useful info. Please also advise how to submit my website to serach engines.

  3. ప్రవీణ్ గార్లపాటి said,

    మీ వెబ్ సైట్ ని గూగుల్ కి ఇక్కడ submit చెయ్యవచ్చు.
    ఇక మీకు సొంత వెబ్ సైట్ ఉంటే గనక దానిని సెర్చింజన్లకు అణుగుణంగా తయారు చేసి మంచి rank పొందవచ్చు.
    బ్లాగులని గూగుల్ automatic గా add చేసేస్తుంది. అవి మామూలు సెర్చ్ లలో గానీ, బ్లాగు సెర్చ్ లలో గానీ మీకు కనిపిస్తాయి.

  4. మీ వెబ్ సైట్ ని గూగుల్ కి ఇక్కడ submit చెయ్యవచ్చు.ఇక మీకు సొంత వెబ్ సైట్ ఉంటే గనక దానిని సెర్చింజన్లకు అణుగుణంగా తయారు చేసి మంచి rank పొందవచ్చు.బ్లాగులని గూగుల్ automatic గా add చేసేస్తుంది. అవి మామూలు సెర్చ్ లలో గానీ, బ్లాగు సెర్చ్ లలో గానీ మీకు కనిపిస్తాయి.


స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: